नानाजी देशमुख कृषी संजीवनी प्रकल्पाच्या प्रभावी अंमलबजावणीसाठी प्रीती हिरळकर यांचे आवाहन
गडचिरोली,४ एप्रिल : नानाजी देशमुख कृषी संजीवनी प्रकल्पाच्या दुसऱ्या टप्प्यांतर्गत गडचिरोली जिल्ह्यातील ५३२ गावांमध्येप्रकल्पाची प्रभावी अंमलबजावणी करण्याचे जोरदार आवाहन जिल्हा अधिक्षक कृषी अधिकारी श्रीमती प्रीती हिरळकर यांनी केलेआहे. ग्रामस्तरीय सूक्ष्म नियोजनाच्या माध्यमातून तयार केलेले आराखडे आणि BSRF संस्थेच्या सहकार्याने प्रत्येक गावात प्रत्यक्षकामाला गती देण्यावर भर देण्यात येणार आहे. या उद्देशाने आज, ४ एप्रिल रोजी मृदा व जलसंधारणाच्या कामांवर लक्ष केंद्रितकरणारा एक दिवसीय प्रशिक्षण वर्ग आयोजित करण्यात आला.
प्रशिक्षण कार्यक्रमात श्रीमती प्रीती हिरळकर यांनी प्रकल्पाच्या यशस्वीतेसाठी सर्वांचे सहकार्य आवश्यक असल्याचे सांगितले. त्याम्हणाल्या, “गडचिरोलीच्या शेतकऱ्यांसाठी हा प्रकल्प संजीवनी ठरू शकतो. मृदा व जलसंधारणाच्या कामांमुळे शेती शाश्वत होईलआणि उत्पन्नात वाढ होईल.” कृषी विज्ञान केंद्राचे कार्यकारी समन्वयक डॉ. किशोर झाडे आणि कृषी अधिकारी भाऊसाहेब लवांडयांनीही उपस्थितांना मार्गदर्शन केले.
डॉ. किशोर झाडे यांनी मृदा व जलसंधारणाच्या फायद्यांवर प्रकाश टाकताना शाश्वत शेतीसाठी फळबाग लागवडीच्या संधीअधोरेखित केल्या. “आंबा, चिकू, नारळ यांसारखी फळझाडे बांधावर लावून आणि भात पिकानंतर कापूस, तूर, भुईमूग यासारखीपिके घेऊन शेतकरी आपले उत्पन्न वाढवू शकतात,” असे त्यांनी सांगितले. भाऊसाहेब लवांड यांनी वाहीती व बिगर वाहीती क्षेत्रातीलउपचार, ओघडी आणि नाल्यावरील कामांची तांत्रिक माहिती देऊन शेतकऱ्यांना प्रोत्साहन दिले.
या प्रशिक्षणाला कृषी उपसंचालक श्रीमती मधुगंधा जुलमे, उपविभागीय कृषी अधिकारी श्री. महेश परांजपे (वडसा), श्री. आनंदगंजेवार (अहेरी), श्री. धर्मेंद्र गिर्‍हेपुंजे (गडचिरोली) यांच्यासह तालुका कृषी अधिकारी, मंडळ कृषी अधिकारी, पर्यवेक्षक आणिसहाय्यक उपस्थित होते. कार्यक्रमाचे सूत्रसंचालन श्रीमती शीतल खोब्रागडे यांनी प्रभावीपणे केले, तर आभार प्रदर्शन श्रीमती मधुगंधाजुलमे यांनी केले.
नानाजी देशमुख कृषी संजीवनी प्रकल्पाचा दुसरा टप्पा गडचिरोलीसह विदर्भातील शेतकऱ्यांसाठी शेतीला नवसंजीवनी देणारा ठरेल, असा विश्वास श्रीमती हिरळकर यांनी व्यक्त केला. “ग्रामस्तरीय नियोजन आणि प्रत्यक्ष अंमलबजावणी यातूनच शेतकऱ्यांचेजीवनमान उंचावेल,” असे त्या म्हणाल्या. शेतकऱ्यांनी या संधीचा लाभ घ्यावा, असे आवाहनही त्यांनी केले.
या प्रशिक्षणाने प्रकल्पाच्या प्रभावी अंमलबजावणीसाठी मजबूत पाया रचला असून, आता प्रत्यक्ष कृतीची वेळ आली आहे.
About The Author
