कुरखेडा – वडसा मार्गावर विद्याभारती महाविद्यालयाजवळ भीषण अपघात; दुचाकीस्वार शिक्षकाला अज्ञात वाहनाची जबर धडक लागल्याने गंभीर जखमी.
1 min read
कुरखेडा; जी एन एन, (प्रतिनिधी)१० फेब्रुवारी,
आज सकाळी आठ वाजताच्या सुमारास कुरखेडा वडसा मार्गावर विद्याभारती महाविद्यालय जवळ दुचाकी स्वराला अज्ञात वाहनाची धडक लागलेले एक व्यक्ती गंभीररित्या जखमी झाला. जखमी झालेल्या व्यक्तीचे भुनेश्वर लील्हारे, वय 38 वर्ष राहणार चिखली अशी आहे.
प्राप्त माहितीनुसार भुलेश्वर चिखली वरून कुरखेडा कडे दुचाकी क्रमांक एम एच ३३ एन ७२०७ ने येत असताना विद्याभारती महाविद्यालय जवळ अपघात वाहनाच्या धडकेत रस्त्यावर कोसळले. घटनेत त्यांच्या डोक्याला जबर मार लागून मोठ्या प्रमाणात रक्तस्त्राव सुरू झाला.
मार्गक्रम करणाऱ्या कुठल्याही व्यक्तीने त्यांना उचलून दवाखान्यापर्यंत पोहोचवण्याची हिंमत दाखवली नाही. कुरखेडा येथील सामाजिक कार्यकर्ते शाहेजाद हाशमी व त्यांचे सहकारी यांना सदर घटनेची माहिती मिळतात त्यांनी एका खाजगी वाहनाने घटनास्थळाकडे धाव घेतली. रक्ताच्या थारोळ्यात पडलेल्या व्यक्तीला उचलण्यासाठी कोणीही समोर येत नव्हता पण मोबाईलवर सदर घटनेची चित्रीकरण करण्यासाठी सगळे आतुर असल्याचे घटनास्थळी पाहायला मिळाले. खाजगी वाहनात जखमी व्यक्तीला नेण्याचा प्रयत्न केला असता वाहन लहान असल्याने त्यांना ठेवण्यात अडचण गेली, तेवढ्यात कुरखेडा जिल्हा रुग्णालयातून रुग्णवाहिका घटनास्थळी दाखल झाली. जखमीला रुग्णवाहिकेतून कुरखेडा येथील उपजिल्हा रुग्णालयात पोचते करण्यात आले. डोक्याला गंभीर दुखापत झाल्याने मोठ्या प्रमाणात रक्तस्त्राव झाल्याने अति गंभीर स्थितीमध्ये रुग्णाला नागपूर येथे हलविण्याचा सल्ला येथील डॉक्टरांनी दिल्याने रुग्णालयात पोहोचलेल्या नातेवाईकांनी त्यांना येथील रुग्णवाहिकेच्या मदतीने नागपूरकडे उपचाराकरिता नेल्याचे कळते.
भुनेश्वर लिल्हरे हे येथील श्रीराम विद्यालयात शिक्षक म्हणून कार्यरत असून ते नित्यप्रमाणे चिखली स्वगाव येथून कुरखेडाला शाळेत जाण्यासाठी निघाले होते अशी माहिती आहे. प्रेमळ आणि हसमुख स्वभाव असलेल्या भुनेश्वर सोबत ही दुर्दैवी घटना घडल्याने सगळीकडे हळ हळ व्यक्त केली जात आहे.
About The Author
