११ डिसेंबरला चांदाळा गोटूलमध्ये ग्रामसभांचा महासंग्राम ! आता बांबू-तेंदू-महुआ-लाखेचा मालक फक्त ग्रामसभा !
“गडचिरोलीत आदिवासी हक्कांची क्रांती जवळ आली!”
गडचिरोली, ११ डिसेंबर २०२५ : गेल्या ५० वर्षांपासून कंत्राटदार आणि वनविभागाच्या जाचात सापडलेला आदिवासी समाज आता शेवटी जागा झाला आहे.
पेसा कायदा, वन हक्क कायदा २००६ व सुधारित नियम २०१२ नुसार जिल्ह्यातील १४०० पेक्षा जास्त ग्रामसभांना CFR (सामुदायिक वन हक्क) मिळाले आहेत.
आदिवासी विकास विभागाने २०१३ व २०१५ चे जुनेच वाहतूक परवाने रद्द करून स्पष्ट आदेश दिले आहेत :
“आता गौण वन उपजांची वाहतूक करायची असेल तर परवाना फक्त ग्रामसभानेच छापायचा आणि द्यायचा !”
पण आजही ९५% ग्रामसभा वन विभागाचा जुना परवाना वापरतात.
परिणामी कंत्राटदार तेंदूपत्ता, बांबू, महुआ, लाख यावर कोट्यवधींची लूट करतात आणि ग्रामसभांना फक्त रॉयल्टीची भिक मिळते.
ही लूट आता थांबणार !
उद्या, ११ डिसेंबर २०२५ रोजी सकाळी ठीक १० वाजता
चांदाळा गोटूल भूमी, गडचिरोली येथे
जिल्ह्यातील सर्व CFR ग्रामसभांचा महामेळा होत आहे.
या मेळ्यात ठरणार :
1. ग्रामसभेच्या नावाने व लोगोने वाहतूक परवाना छापण्याचे अंतिम नमुने
2. परवाना छपाई, वितरण व नियंत्रणाची संपूर्ण यंत्रणा
3. कंत्राटदारांना कायदेशीरपणे कसे रोखायचे याचे थेट प्रशिक्षण
4. गडचिरोली जिल्हा महा ग्रामसभा समितीचे अधिकृत गठन
(प्रत्येक गावातून १ स्त्री + १ पुरुष → इलाका → तालुका → जिल्हा पातळीवर २ महिला + ४ पुरुष)
कोरची येथे १ डिसेंबरला झालेल्या बैठकीत सर्वांनी एकमताने ठरवलं आहे :
११ डिसेंबरपर्यंत इलाका व तालुका ग्रामसभा पूर्ण तयार करायच्या !
ही बैठक चुकली म्हणजे आपला हक्क पुन्हा १० वर्ष मागे पडेल.
म्हणून सर्वांनी आज न चुकता यावे :
– तालुका प्रमुख, इलाका प्रमुख
– ग्रामकोष समिती अध्यक्ष-सचिव
– वन हक्क समिती अध्यक्ष-सचिव
– CFR असलेल्या प्रत्येक ग्रामसभेचे किमान २ प्रतिनिधी
– सर्व स्वयंसेवी संस्था व कार्यकर्ते
हा संदेश आज प्रत्येक गावात, प्रत्येक गोठूलमध्ये पोहोचवा.
उद्या चांदाळा गोटूल भूमीवर हजारोंच्या संख्येने पोहोचूया !
आपला हक्क कोणी देणार नाही… आपणच हिसकावून घ्यायचा आहे !
|| जोहार || जय सेवा || जय आदिवासी ||
११ डिसेंबर २०२५ – गडचिरोलीचा इतिहास बदलेल ! 🪶🔥
About The Author
