महाराष्ट्राच्या खेळाडूंना आंतरराष्ट्रीय यशाचा मार्ग मोकळा: व्हिसा प्रक्रिया आता सोपी!
मुंबई, 20 एप्रिल : महाराष्ट्रातील खेळाडूंना आंतरराष्ट्रीय स्पर्धांमध्ये सहभागी होण्यासाठी आता व्हिसा प्रक्रियेच्या अडचणींना सामोरेजावे लागणार नाही. शालेय शिक्षण व क्रीडा विभागाने 17 एप्रिल 2025 रोजी जारी केलेल्या शासन निर्णयानुसार (क्रमांक: क्रीडार्धो-2025/प्र.क.56/क्रीयुसे-3), खेळाडूंना व्हिसा मिळवण्यासाठी सहाय्य करण्यासाठी विभागीय उपसंचालक, क्रीडा वयुवक कल्याण, मुंबई यांची नोडल अधिकारी म्हणून नियुक्ती करण्यात आली आहे.
आंतरराष्ट्रीय अधिकृत स्पर्धांसाठी स्पोर्ट्स अथॉरिटी ऑफ इंडिया (SAI) दूतावासांशी पत्रव्यवहार करते. मात्र, आमंत्रित स्पर्धा किंवा परदेशातील प्रशिक्षणासाठी खेळाडूंना वैयक्तिक स्तरावर प्रयत्न करावे लागतात, ज्यामुळे विलंब होतो. या निर्णयामुळे नोडल अधिकारी खेळाडूंना कागदपत्रे, अर्ज आणि दूतावासांशी संपर्कासाठी मार्गदर्शन करतील. जटिल प्रकरणांमध्ये राज्यशिष्टाचार विभागाच्या सहाय्याने दूतावासांशी समन्वय साधला जाईल.
हा निर्णय मुख्यमंत्री देवेंद्र फडणवीस यांच्या 100 दिवसांच्या कृती आराखड्याच्या बैठकीतून प्रेरित आहे. यामुळे खेळाडूंना व्हिसाप्रक्रियेत वेळ वाचेल आणि ते खेळावर लक्ष केंद्रित करू शकतील. क्रीडा प्रशिक्षक आणि खेळाडूंनी या निर्णयाचे स्वागत केले आहे. पुण्यातील प्रशिक्षक अनिता जोशी म्हणाल्या, “हा निर्णय खेळाडूंना मानसिक तणावातून मुक्त करेल आणि त्यांच्या यशाला चालना देईल.”
हा निर्णय महाराष्ट्राच्या खेळाडूंना आंतरराष्ट्रीय मंचावर चमकण्यासाठी मजबूत पाठबळ देईल आणि त्यांना जागतिक स्तरावर यशमिळवण्यास प्रोत्साहन देईल.
About The Author
