कुरखेडा नगरपंचायतीत राजकीय घमासान: अविश्वास प्रस्तावाने उलटपक्षाला धक्का
“कुरखेडा नगरपंचायतीत अविश्वासाचा डाव फिस्कटला: उपाध्यक्ष बबलू भाई हुसैनी यांनी विरोधकांना तोंडघाशी पाडले”
कुरखेडा, २१ सप्टेंबर : कुरखेडा नगरपंचायतीतील उपाध्यक्ष बबलू भाई हुसैनी यांच्यावर प्रस्तावित अविश्वास प्रस्तावाचा डाव पूर्णपणे फिस्कटल्याची जोरदार चर्चा सध्या शहरात रंगली आहे. भारतीय जनता पक्षाचे (भाजप) गटनेते आणि बांधकाम सभापती असलेल्या उपाध्यक्ष हुसैनी यांनी आपल्या व्हॉट्सअॅप स्टेटसवर संकेतात्मक संदेश प्रसिद्ध करून स्वपक्षातील विरोधकांना चांगलेच तोंडघाशी पाडले असल्याचे बोलले जात आहे. या राजकीय खेळीत सत्ताधारी युतीतील अंतर्गत कलह उघड झाला असून, येणाऱ्या काळात मोठे उलटफेर होण्याची शक्यता व्यक्त केली जात आहे.
कुरखेडा नगरपंचायतीच्या दुसऱ्या पंचवार्षिक निवडणुकीत भाजपकडे बहुमत असतानाही एका नगरसेवकाने पक्षविरोधी भूमिका घेतली. या नगरसेवकाने काँग्रेस आणि शिवसेना (तात्कालिक उद्धव गट) यांना समर्थन दिल्याने भाजप सत्तेच्या उंबरठ्यावरून खाली फेकला गेला. पक्षविरोधी कृत्याचा आरोप करत या नगरसेविकेला अपात्र ठरवण्यासाठी जिल्हाधिकाऱ्यांकडे अर्ज दाखल करण्यात आला. जिल्हाधिकाऱ्यांनी तिला अपात्र घोषित केले, मात्र प्रक्रियातील त्रुटींमुळे शिवसेनेने उच्च न्यायालयात आव्हान दिले. न्यायालयाने प्रकरण जिल्हाधिकाऱ्यांकडे परतावरीकृत करून त्रुटी दूर करण्याचे आदेश दिले.
या अपात्रतेच्या भीतीने शिवसेना पदाधिकाऱ्यांनी तडजोड करत भाजपसोबत सत्तेत युती केली. या युतीमुळे काँग्रेससह विरोधी पक्ष पूर्णपणे संपुष्टात आले. युतीच्या माध्यमातून भाजपचे प्रभाग क्रमांक १७ चे नगरसेवक आणि गटनेते बबलू भाई हुसैनी यांना उपाध्यक्ष आणि बांधकाम सभापती हे पद मिळाले. मात्र, सत्ता वाचवण्यासाठी आणि निवडणुका टाळण्यासाठी झालेल्या या तडजोडीमुळे दोन्ही पक्षातील काही नगरसेवक दुखावले गेले. तेव्हापासून सुरू असलेली ही खदखद आता अविश्वास प्रस्तावापर्यंत पोहोचली आहे.
राजकीय विश्लेषकांच्या मते, राजकीय अनुभवाच्या अभावी आणि स्वयंभू नेत्यांच्या अस्तित्वाच्या कमतरतेमुळे शिवसेना आणि भाजपच्या नगरसेवकांना हा अविश्वास प्रस्ताव अमलात आणता आला नाही. उपाध्यक्ष हुसैनी यांनी विरोधकांना एकजूट करण्याच्या पहिल्याच पायरीतून घसरल्याने त्यांना तोंडघाशी पाडण्यात यश मिळवले. या घडामोडींमुळे सत्ताधारी दोन्ही पक्षांतील असमाधान उघड झाले आहे. दुसरीकडे, काँग्रेस मात्र “जिधर दम तिथे हम” या भूमिकेत दिसत आहे. आरमोरी विधानसभा मतदारसंघात दोन नगरपंचायती आणि दोन नगरपरिषद आहेत. यापैकी कोरची नगरपंचायतीत दुसऱ्या पंचवार्षिकमध्ये काँग्रेसकडे एकहाती सत्ता आहे, मात्र एका नगरसेविकेवरील अपात्र प्रस्तावामुळे ही सत्ता धोक्यात आहे.
स्थानिक राजकीय जानकारांच्या मते, कुरखेडा येथील सत्ताधारी भागीदारी स्थानिक स्वराज्य संस्थांच्या निवडणुकांच्या दृष्टिकोनातून अत्यंत महत्त्वाची आहे. अशा परिस्थितीत काँग्रेस सत्तेच्या बाजूने भूमिका घेऊ शकते, ज्यामुळे राजकीय समीकरणे बदलू शकतात. अविश्वास प्रस्ताव फिस्कटला असला तरी त्याला पूर्णत्वास नेण्यासाठी मोर्चेबांधणी अजून सुरूच आहे. येणाऱ्या दिवसांत कुरखेडा नगरपंचायतीच्या सत्ता राजकारणात मोठे उलटफेर होण्याची चिन्हे दिसत आहेत.
About The Author
